"Educar a mente sen educar o corazón non é educar en absoluto" Aristóteles

           Grazas a participación e axuda das familias de Infantil temos este patio tan bonito.               Grazas familias por facer realidade a colaboración familia-escola. 😍😍😍   

  Qué ben o pasamos o venres celebrando o Samaín! Fixemos unha visita ás cabazas da entrada, onde puidemos ver as creacións dos nenos/ nenas e familias do cole. Algunhas eran terroríficas. Demos de comer unha galleta cos nosos medos debuxados ao monstruo comemedos da Biblioteca que papounas todas!, vimos un corto, asistimos a unha actuación musical cos de Primaria e ata fixemos un baile todos xuntos “O twist do esqueleto” xunto cos profes. Qué ben o pasamos!

        Este curso continuamos traballando na nosa horta. Primeiro, despois do verán, tivemos que acondicionar todos os bancais, retirando as herbas e removendo a terra. Despois deste arduo traballo, fixemos buratos na terra para plantar: coliflor, verza rizada, puerro, repolo, lombarda, brécol e remolacha. Unha vez plantados rematamos regando a terra para que poida medrar. Pouco a pouco iremos mostrando os avances.   Qué ilusión ver medrar a nosa plantación!

        Recomendamos o visionado desta pequena conferencia da psiquiatra e escritora Marian Rojas Estapé, onde explica a importancia dos efectos de Internet e as redes sociais e cómo afectan ao cerebro dos nosos fillos e fillas e a nós. Explica o que pasa no cerebro cando recibimos un like e se segrega a hormona da dopamina, así como as redes sociais poden chegar a converterse nunha vía de escape e adicción. 

     Iniciamos un novo curso cheo de ilusión e ganas de aprender. Neste recuncho iremos amosando todas as nosas aventuras nas que esperamos contar coa vosa participación.     3,2,1... Comezamos!

  Benqueridas familias, achegámosvos  unhas pequenas recomendacións de actividades e tarefas para continuar favorecendo a desenvolvemento dos nosos cativos e cativas. Pinchade na imaxe para acceder ao arquivo en Pdf. A equipa de infantil deséxavos un bo verán.

   RECOLLEITA! !      O ciclo natural de traballo no horto escolar chegou ao seu fin  co remate das clases. Por iso os cativos e cativos estiveron a colleitar  patacas. De seguro que están boísimas!!!   Por aquí vos deixamos unhas imaxes para que vexades o gran traballo que fixeron. Fai clic en cada imaxe para vela máis grande . 3 ANOS 4 ANOS 5 ANOS