"Educar a mente sen educar o corazón non é educar en absoluto" Aristóteles

            Esta semana celebramos o Dia do Libro (23 de abril) e para iso levamos a cabo un apadriñamento lector, no que as aulas de 2º e 3º ciclo de Primaria realizan leturas a Infantil e Primeiro ciclo. Os maiores do cole contaron contos aos pequenos co Kamishibai, Teatro, titeres, con traxes... Pasamolo en grande e fomentado a lectura e o encontro entre idades. Fixemos marcapáxinas nos recreos de infantil e plantamos leitugas da nosa horta nun vasiño de iogur como agasallo para os maiores que viñeron ler.

                     Regamos os allosporros e todas as fabas para manter a nosa plantación.

           A nosa horta segue crecendo. É tempo de plantar patacas e regar.  Pouco a pouco vemos medrar a nosa plantación e agora coa chegada da primavera, no camiño non podemos evitar ver e recoller flores que antes non estaban e admirar o canto dos paxariños no medio do silencio da horta. 🌱🐝🌸🌷🌹 Benvida primavera

  O dia 22 de Marzo foi o dia Mundial da auga, e como o noso proxecto en Infantil xira en torno á mesma, unha familia dun neno de Infantil que traballan no sector da Saúde, explicaron a importancia da auga para o noso corpo e como medio para o benestar propio. Coidemos a auga! e así coidaremonos a todos.

                       Aproveitando un dos poucos días que deixou de chover, achegamonos a un lavadoiro e zona recreativa preto da escola onde vimos de onde ven a auga e os usos da mesma.  Seguimos traballando no noso proxecto da auga para dar resposta a moitas das nosas preguntas.

                                   Esta semana desde o Equipo de Biblioteca propuxeron unha actividade para convertirnos en xornalistas. Creamos a nosa noticia, buscamos unha boa noticia dos xornais ou unha que pasara no noso centro.  Cada aula colaborou en crear un tendal de boas noticias. 

                  A semana pasada celebramos o Dia da Muller (8M) as familias colaboraron coa foto da muller máis importante para eles.  Toda a semana falamos sobre a importancia do respeito e que todos temos os mesmos dereitos. Desde o Equipo TIC propuxeron traballar as mulleres referentes   Este ano, debido á nova incorporación no programa de Polos Creativos, quixemos orientalo cara a visibilización de grandes mulleres científicas como son Ada Lovelace, Margarita Salas, Hipatia de Alejandría ou a xa moi coñecida Marie Curie, entre outras. Esta magnífica exposición culminou coa incorporación da placa programable makey-makey coa cal o alumnado puido gravarse e escoitar así as biografías das diferentes mulleres.  Foi un éxito rotundo! https://www.instagram.com/p/C4XbG8cOKGF/

  Esta semana traballamos a Rosalía e hoxe celebramos o Dia de Rosalía de Castro, despois de facer o "Roteiro rosaliano" proposto por o Equipo de Dinamización da Lingua Galega, con preguntas sobre a homenxeada recobimos o agasallo:  unha volta en Kars.        Felicidades Rosalía! https://enredacoalinguatin.blogspot.com/2024/02/aniversario-de-rosalia-de-castro.html

   O  Día das Candeas  ou  Día da Candeloria  celébrase o 2 de febreiro,  cando ' casan os paxariños e maila galiñola '. O noso alumnado aproveitou esta data para enviar cartas de amizade aos compañeriros e compañeiras da escola. Lembrade que ' cando a Candeloria chora a mitá do inverno está fóra; se chora ou ri, o inverno está por vir, e se chora ou fai vento, inda o inverno está dentro'

           Cumplimos as ordes do Meco para celebrar o Entroido. Desfrutamos das Coplas cantadas polos         maiores do cole e rematamos a semana co desfile, queima do Meco e degustación de doces.

                 Este martes celebramos todos xuntos o Dia da paz.  Primeiro, desfrutamos o venres e luns unhas sesións de ioga onde descubrimos que a paz comeza en nós. Para rematar cun mural feito por todos os alumnos e alumnas do cole, facendo grúas pola paz e unhas mans. Nese dia escoitamos as peticións de todos os cursos pola paz a través da megoafonia e rematamos cantando a canción de "Soño un planeta de paz".  Esperemos que remate a guerra e podamos vivir nun mundo de paz.  Canción:  "Un Planeta de Paz"  clica e canta

                    Seguimos co traballo na nosa horta, a chuvia deunos un descanso dun par de días e acudimos para revisar os allosporros, que medraron moito na nosa ausencia. Como desfrutamos calzando as botas e saíndo a nosa contorna para traballar a terra!  

                 A nosa mascota da Biblio, O Polbiño Libreiro agasallounos este mes con moitos recursos novos no Recuncho Creativo da Biblioteca, pensado para crear, imaxinar, pintar, construir, e sobre todo desfrutar. Estamos encantados con este novo espazo.

         Comezamos a recoller pilas e acumuladores, participamos no Concurso Pilabot.   A través da sua reciclaxe evitamos crear residuos contaminantes. O obxectivo é reducir o consumo de pilas e  substituílas por pilas recargables.  Grazas pola vosa colaboración! Para máis información consultar: https://pilabot.gal/es/concurso/   

                       Feliz ano a todos/as!                   Grazas por confiar no noso centro para a educación dos vosos fillos/as. 

           Xa se achega o Nadal e comezan as propostas en Infantil relacionadas co tema. Esta semana traballamos en 3 anos a motricidade fina a través de actividades de decoración dunha árbore de madeira, ensartado de limpiapipas con elementos de Nadal, traballo ca plastilina con elementos de Nadal... Esta semana tamén viñemos moi guapos e guapas para cantar a nosa panxoliña de Nadal. Qué ganas de ver o resultado. 

Que necesidades emocionais teñen os nosos fillos?, como crialos para que se convertan en adultos mentalmente sans e resilientes?, a que dificultades enfróntanse os pais e nais de hoxe? A estas e outras moitas preguntas responde María Velasco, psiquiatra e psicoterapeuta especialista en nenos e adolescentes. “Vivimos nunha sociedade que non permite nin aos pais/nais nin aos fillos/as vivir unha infancia e unha adolescencia mentalmente sas. A soidade e a falta de axuda, así como as esixencias sociais, son algunhas das causas de que os pais e as nais non poidan satisfacer as necesidades dos nenos e adolescentes”, explica. No seu libro, ‘Criar con saúde mental’, a doutora Velasco une a análise ás propostas para axudar aos pais e nais actuais a criar aos seus fillos, co obxectivo de que se convertan en adultos mentalmente sans, capaces e resilientes.

    Este venres gozamos do espectáculo de Maxia na manga, onde os protagonistas magos e magas achegan de unha forma lúdica a maxia e a igualdade. 

            Esta semana traballamos a Non violencia, entendendo como o Respeito a todas a persoas. Xuntamos a nosas mans para expresar que serven para dar caricias, cariño, abrazos... Se hai respeto non hai violencia. Rematamos escribindo nas mans para recordalo. Tamén desfrutamos coas recomendacións desde biblioteca para esta semana.

            Despois de tantos días de chuvia, por fin esta semana saiu o sol e puidemos volver ao horto a plantar os allos porros.              Entre todos fixemos un buraco na terra e plantamos. Esperemos que vaian arriba, seguiremos                   pendentes de regalos para que crezan.