"Educar a mente sen educar o corazón non é educar en absoluto" Aristóteles

            Esta semana celebramos o Dia do Libro (23 de abril) e para iso levamos a cabo un apadriñamento lector, no que as aulas de 2º e 3º ciclo de Primaria realizan leturas a Infantil e Primeiro ciclo. Os maiores do cole contaron contos aos pequenos co Kamishibai, Teatro, titeres, con traxes... Pasamolo en grande e fomentado a lectura e o encontro entre idades. Fixemos marcapáxinas nos recreos de infantil e plantamos leitugas da nosa horta nun vasiño de iogur como agasallo para os maiores que viñeron ler.

  O dia 22 de Marzo foi o dia Mundial da auga, e como o noso proxecto en Infantil xira en torno á mesma, unha familia dun neno de Infantil que traballan no sector da Saúde, explicaron a importancia da auga para o noso corpo e como medio para o benestar propio. Coidemos a auga! e así coidaremonos a todos.

                                   Esta semana desde o Equipo de Biblioteca propuxeron unha actividade para convertirnos en xornalistas. Creamos a nosa noticia, buscamos unha boa noticia dos xornais ou unha que pasara no noso centro.  Cada aula colaborou en crear un tendal de boas noticias. 

                  A semana pasada celebramos o Dia da Muller (8M) as familias colaboraron coa foto da muller máis importante para eles.  Toda a semana falamos sobre a importancia do respeito e que todos temos os mesmos dereitos. Desde o Equipo TIC propuxeron traballar as mulleres referentes   Este ano, debido á nova incorporación no programa de Polos Creativos, quixemos orientalo cara a visibilización de grandes mulleres científicas como son Ada Lovelace, Margarita Salas, Hipatia de Alejandría ou a xa moi coñecida Marie Curie, entre outras. Esta magnífica exposición culminou coa incorporación da placa programable makey-makey coa cal o alumnado puido gravarse e escoitar así as biografías das diferentes mulleres.  Foi un éxito rotundo! https://www.instagram.com/p/C4XbG8cOKGF/

  Esta semana traballamos a Rosalía e hoxe celebramos o Dia de Rosalía de Castro, despois de facer o "Roteiro rosaliano" proposto por o Equipo de Dinamización da Lingua Galega, con preguntas sobre a homenxeada recobimos o agasallo:  unha volta en Kars.        Felicidades Rosalía! https://enredacoalinguatin.blogspot.com/2024/02/aniversario-de-rosalia-de-castro.html

   O  Día das Candeas  ou  Día da Candeloria  celébrase o 2 de febreiro,  cando ' casan os paxariños e maila galiñola '. O noso alumnado aproveitou esta data para enviar cartas de amizade aos compañeriros e compañeiras da escola. Lembrade que ' cando a Candeloria chora a mitá do inverno está fóra; se chora ou ri, o inverno está por vir, e se chora ou fai vento, inda o inverno está dentro'

           Cumplimos as ordes do Meco para celebrar o Entroido. Desfrutamos das Coplas cantadas polos         maiores do cole e rematamos a semana co desfile, queima do Meco e degustación de doces.

                 Este martes celebramos todos xuntos o Dia da paz.  Primeiro, desfrutamos o venres e luns unhas sesións de ioga onde descubrimos que a paz comeza en nós. Para rematar cun mural feito por todos os alumnos e alumnas do cole, facendo grúas pola paz e unhas mans. Nese dia escoitamos as peticións de todos os cursos pola paz a través da megoafonia e rematamos cantando a canción de "Soño un planeta de paz".  Esperemos que remate a guerra e podamos vivir nun mundo de paz.  Canción:  "Un Planeta de Paz"  clica e canta

                 A nosa mascota da Biblio, O Polbiño Libreiro agasallounos este mes con moitos recursos novos no Recuncho Creativo da Biblioteca, pensado para crear, imaxinar, pintar, construir, e sobre todo desfrutar. Estamos encantados con este novo espazo.

           Xa se achega o Nadal e comezan as propostas en Infantil relacionadas co tema. Esta semana traballamos en 3 anos a motricidade fina a través de actividades de decoración dunha árbore de madeira, ensartado de limpiapipas con elementos de Nadal, traballo ca plastilina con elementos de Nadal... Esta semana tamén viñemos moi guapos e guapas para cantar a nosa panxoliña de Nadal. Qué ganas de ver o resultado. 

    Este venres gozamos do espectáculo de Maxia na manga, onde os protagonistas magos e magas achegan de unha forma lúdica a maxia e a igualdade. 

            Esta semana traballamos a Non violencia, entendendo como o Respeito a todas a persoas. Xuntamos a nosas mans para expresar que serven para dar caricias, cariño, abrazos... Se hai respeto non hai violencia. Rematamos escribindo nas mans para recordalo. Tamén desfrutamos coas recomendacións desde biblioteca para esta semana.

     O venres 10 de Novembro celebramos todos xuntos a xornada de convivencia do Magosto.  Comemos castañas, bolo preñado con chourizo ou tortilla para alérxicos.  Xogamos todos xuntos cos xogos tradicionais. En Infantil "A castaña por detrás", "Encestar a castaña" e Zancos. Axudamos entre todos para que este dia fose unha experiencia moi positiva. Así despedimos o mes de Outubro.  De novo, ¡grazas familias! por axudarnos a celebralo proporcionando as castañas e a leña. O alumnado de 6º foron os protagonistas, coa colaboracion de todos conseguimos un Magosto xenial!

     O Samaín deu moito xogo na clase de 4 anos!  Fixeron transvases na mesa de experimentación con arroz tinguido e caldeiros de bruxas e pantasmas.  Traballaron o conteo con arañas na mesa de luz, a asociacion número-cantidade con pócimas máxicas e pasta con formas monstruosas, a recta numérica cos puzzles matemáticos, as seriacións e orientación espacial ca pasta monstruosa, a motricidade fina con collares de pasta, o recoñecemento de letras co vocabulario temático…  Por suposto o día da festa fixemos un desfile para explicar os nosos disfraces, bailamos ao ritmo de Uxia Lambona e Paco Pakolas, visionamos un corto con palomitas e descubrimos qué era a arte efímera e como brillaban as nosas obras ca luz negra!  Seguimos descubrindo, experimentando e aprendendo!

 Samaín no Atín ! 🎃👻🧙‍♀️🦇                   Hoxe gozamos dunha festa terrorífica en Atin Cela. Non faltou de nada: desfile de disfraces na aula, almorzos terrorificos, música de "Tumba tumba" interpretada polos maiores do cole, bailamos todos ao ritmo do "Twist dos esqueletos", visita á exposicion de cabazas do centro e rematamos con pelis ou cortos de medo degustando palomitas!       Moito baile, xogo e diversión para celebrar o noso Samaín.        Vivimos unha auténtica experiencia e p asámolo de medo!

          Hoxe rematamos as mesas de exposición do Outono, grazas a axuda das familias, temos unha ampla variedade de elementos e froitos do outono.         Os traballamos en cada aula (tocamos, vemos, sentimos e coñecemos os nomes). Os de 5 anos axudaron a escribir os carteis identificativos.           Estades convidados a visitar esta exposición na entrada do centro.          Moitas grazas por participar e axudar a facer que a aprendizaxe sexa significativa para os nenos/as.                     Feliz outono  

  Hoxe é o Dia Mundial contra o Cambio climático e o Dia das Bibliotecas escolares (24 de Outubro), para celebralo realizamos un mural Bookface coa axuda das familias do centro.  As fotos quedaron moi divertidas. Hoxe tamen desfrutaron dunhas voltas en Kars no pavillón, que ben o pasamos no cole! Grazas a todos e todas pola vosa colaboración

  Qué ben o pasamos o venres celebrando o Samaín! Fixemos unha visita ás cabazas da entrada, onde puidemos ver as creacións dos nenos/ nenas e familias do cole. Algunhas eran terroríficas. Demos de comer unha galleta cos nosos medos debuxados ao monstruo comemedos da Biblioteca que papounas todas!, vimos un corto, asistimos a unha actuación musical cos de Primaria e ata fixemos un baile todos xuntos “O twist do esqueleto” xunto cos profes. Qué ben o pasamos!

Chegou o N a d a l !! E como é unha das nosas festas favoritas celebrámola no cole moi emocionados. 🎶 Bailamos cancións e panxoliñas que nos deixou a profe Viqui no seu blog de música e que podedes escoitar no seguinte enlace:   Música Atín: NADAL (musicatincela.blogspot.com) 👑 Recibimos a visita dos paxes reais e entregámoslles as nosas cartas.  🎄E tamén fixemos moitas manualidades! Como regalo de Nadal para as nosas casas, realizamos unha árbore moi navideña. Para elo, fumos a recoller paus ao redor do cole, c ortámolos, ordenámolos de menor a maior e pegamos con cola nun depresor. Cando secaron, chegou o momento de decoralas! Así que pincelamos os pauciños cun pouco de cola e botámoslle purpurina por riba para que nos quedaran moi brillantes e, por último, troquelamos en goma eva lazos e estrelas cos que decoramos a árbore ao noso gusto: Mirade qué ben nos quedaron:  Podedes ver máis fotos do proceso clicando no collage do curso que vos interese. Esperamos que vos gustasen moito!

Esta semana celebramos no cole a Semana da ciencia , polo que levamos a cabo diferentes experimentos. Na clase de 3 anos cambiamos a cor dun apio (planta que tamén sementamos hai días). Para iso, debemos contar cos seguintes materiais:  Para comezar, temos que botar unhas gotiñas de colorante en cada un dos vasos. Nós, eliximos a cor vermella e azul: Unha vez feito, só temos que meter un talo en cada recipiente: Tamén lle preguntamos aos nenos as súas hipóteses do que iba a ocorrer. Estas foron as súas respostas: Os nenos de 5 tamén fixemos o mesmo experimento:   E as nosas hipóteses foron: Deixamos pasar un par de días e despois observamos cómo estaba o apio: E comprobamos que as follas tiñan pintiñas de cor azul e vermello! Na clase de 5 tamén funcionou o experimento: Por outra banda, os nenos de 4 anos xa fixeramos o experimento do apio hai uns meses polo que nós...fixemos plastilina!! Para iso, precisamos de fariña á que lle botamos leite corporal: O seguinte paso foi mesturar e am