"Educar a mente sen educar o corazón non é educar en absoluto" Aristóteles

     O venres 10 de Novembro celebramos todos xuntos a xornada de convivencia do Magosto.  Comemos castañas, bolo preñado con chourizo ou tortilla para alérxicos.  Xogamos todos xuntos cos xogos tradicionais. En Infantil "A castaña por detrás", "Encestar a castaña" e Zancos. Axudamos entre todos para que este dia fose unha experiencia moi positiva. Así despedimos o mes de Outubro.  De novo, ¡grazas familias! por axudarnos a celebralo proporcionando as castañas e a leña. O alumnado de 6º foron os protagonistas, coa colaboracion de todos conseguimos un Magosto xenial!

     O Samaín deu moito xogo na clase de 4 anos!  Fixeron transvases na mesa de experimentación con arroz tinguido e caldeiros de bruxas e pantasmas.  Traballaron o conteo con arañas na mesa de luz, a asociacion número-cantidade con pócimas máxicas e pasta con formas monstruosas, a recta numérica cos puzzles matemáticos, as seriacións e orientación espacial ca pasta monstruosa, a motricidade fina con collares de pasta, o recoñecemento de letras co vocabulario temático…  Por suposto o día da festa fixemos un desfile para explicar os nosos disfraces, bailamos ao ritmo de Uxia Lambona e Paco Pakolas, visionamos un corto con palomitas e descubrimos qué era a arte efímera e como brillaban as nosas obras ca luz negra!  Seguimos descubrindo, experimentando e aprendendo!

 Samaín no Atín ! 🎃👻🧙‍♀️🦇                   Hoxe gozamos dunha festa terrorífica en Atin Cela. Non faltou de nada: desfile de disfraces na aula, almorzos terrorificos, música de "Tumba tumba" interpretada polos maiores do cole, bailamos todos ao ritmo do "Twist dos esqueletos", visita á exposicion de cabazas do centro e rematamos con pelis ou cortos de medo degustando palomitas!       Moito baile, xogo e diversión para celebrar o noso Samaín.        Vivimos unha auténtica experiencia e p asámolo de medo!

          Durante este mes, na clase de 4 anos estamos descubrindo e explorando o Outono e as suas características.   Poñemos en práctica o que aprendemos nas propostas de Recunchos: conteo, número-cantidade, vocabulario, lóxica, motricidade fina... Ademais, no recuncho de vida práctica traballamos o concepto de parella mentres aprendemos a dobrar calcetins.  Xogando pasámolo pipa e aprendemos!

          Hoxe rematamos as mesas de exposición do Outono, grazas a axuda das familias, temos unha ampla variedade de elementos e froitos do outono.         Os traballamos en cada aula (tocamos, vemos, sentimos e coñecemos os nomes). Os de 5 anos axudaron a escribir os carteis identificativos.           Estades convidados a visitar esta exposición na entrada do centro.          Moitas grazas por participar e axudar a facer que a aprendizaxe sexa significativa para os nenos/as.                     Feliz outono  

  Hoxe é o Dia Mundial contra o Cambio climático e o Dia das Bibliotecas escolares (24 de Outubro), para celebralo realizamos un mural Bookface coa axuda das familias do centro.  As fotos quedaron moi divertidas. Hoxe tamen desfrutaron dunhas voltas en Kars no pavillón, que ben o pasamos no cole! Grazas a todos e todas pola vosa colaboración

  Comezamos este curso con Bibliopatio en Infantil, todos os xoves podemos desfrutar dos libros durante o periodo de recreo.  Qué ben o pasamos!

Comezamos un novo curso escolar con moita ilusión. Contamos coa colaboración familia-escola para que o curso sexa unha gran experiencia de aprendizaxe para todos. Arrancamos en 3, 2, 1...

     Iniciamos un novo curso cheo de ilusión e ganas de aprender. Neste recuncho iremos amosando todas as nosas aventuras nas que esperamos contar coa vosa participación.     3,2,1... Comezamos!

Este é o blog de infantil do colexio Atín Cela de Mos creado para poder manternos en contacto e seguir aprendendo nestes tempos tan especiais que nos toca vivir.  Nel imos a subir cousiñas que nos parecen interesantes e que esperamos que sexan do voso interese para educar e traballar cos vosos fillos desde a casa.  Imos aló?